Thursday, June 2, 2011

ကိုယ်ပိုင်ကား

သိပ်ရေးချင်လို့ ကိုယ်ပိုင်ကားအကြောင်းနဲ့ပဲ စတင်လိုက်ပါတယ်။

စင်ကာပူမှာ Public Transportation ဘတ်စ်ကား၊ ရထားတွေက နိုင်ငံပေါက်စလေးဆိုတော့ အဆင်သိပ်ပြေပါတယ်။ ကားမောင်းတဲ့လူတန်းစားက နည်းပါတယ်။ ကုမဏ္ဍီ သယ်ယူပို့ဆောင်ရေး၊ တက္ကစီ၊ လီမောင်စင်း စတဲ့ အလုပ်သဘောအရ မောင်းရတဲ့ ဒရိုင်ဘာလုပ်သူတွေလည်း ကားပိုင်သူစာရင်းထဲထည့်လို့ရပါတယ်။ ကိုယ်ပိုင်ကားရှိသူများနည်းတူ အလုပ်ရှုပ်ရတာကိုး။

အမေရိကားမှာ ဓါတ်ဆီဆိုင်တွေက ပေါသလားမမေးနဲ့၊ မြန်မာအမျိုးသားများ အမေရိကားအလုပ်သွားလုပ်ရင် ဓါတ်ဆီဆိုင်က ထိပ်ဆုံးနေရာမှာရှိပါတယ်။ စားသောက်ဆိုင်၊ အိမ်ဆောက်လုပ်ငန်း တွေမှာလည်း မြန်မာတွေပေါ်ပါတယ်။ နောက်တစ်ခုက အမေရိကားမှာ လူတိုင်းနီးပါး ကားပိုင်ကြပါတယ်။ ကားဈေးကတော့ ဒေါ်လာ၅၀၀ (သို့မဟုတ်) အလကား ကနေ သိန်းဂဏန်းအထိ အမျိုးမျိုးရှိကြတယ်။ ဒီတော့ ဓါတ်ဆီဆိုင်တွေလည်း မှိုလိုပေါပါတယ်။

စင်ကာပူမှာတော့ ဓါတ်ဆီဆိုင် ကောင်တာထိုင်သူများက မိန်းကလေးများဖြစ်ပါတယ်။ ဆီထည့်ပေးသူများကတော့ အသက်ရွယ် ၆၀ကျော်တွေ ဖြစ်ပါတယ်။ လစာငွေ နဲနဲပဲရကြတော့ လူငယ် အမျိုးသားတွေ မလုပ်ချင်ဘူး၊ ကောင်တာငွေကိုင်ကတော့ မိန်းကလေးပါ။ အမေရိကားကတော့ ငွေကိုင်ရော၊ ဆီထည့်သူရော ယောင်္ကျားပဲလုပ်ရတယ်။ ဓါတ်ဆီဆိုင်ဆိုတာ ၂၄နာရီဆိုတော့ အမေရိကားမှာ ညပိုင်းဆိုရင် ဓါးပြလာတိုက်ခံရတာ သိပ်မထူးဆန်းပါဘူး။ ဓါတ်ဆီဆိုင် သူဌေးကလည်း ဓါးပြလာတိုက်ရင် အကုန်ပေးဖို့ မှာထားရတယ်။ လူကိုချမ်းသာပေးဖို့အဓိကပဲ။

ထူးဆန်းတာကတော့ အမေ၇ိကားက ဓါတ်ဆီဆိုင်တွေမှာ ငွေအရင်ချေရတယ်။ ဘဏ်ကဒ် (သို့မဟုတ်) ငွေစက္ကူနဲ့ အရင်ပေးရတယ်။ ခရက်တစ်ကဒ် နဲ့ပေးရင်တောင် ခရက်တစ်ကဒ် အရင်ထိုးလိုက်ရတယ်။ ငွေအရင်မပေးရင် ဆီပန့်တွေက မပွင့်ဘူး၊ ငွေအရင်ပေးရတယ်ဆိုတော့ စင်ကာပူမှာ ငွေနောက်မှသွားပေးတဲ့စနစ်နဲ့ ပြောင်းပြန်ဖြစ်နေပါတယ်။ ကြည့်ရတာ ငွေမပေးပဲ ဓါတ်ဆီထည့်၊ မောင်းပြေးတဲ့လူတွေ များလို့ ငွေအရင်ပေးရတဲ့ စနစ်ဖြစ်သွားပုံရပါတယ်။ အချို့နေရာများမှာ စင်ကာပူ၊မလေးရှားလိုပဲ ငွေနောက်မှပေးတဲ့ ဓါတ်ဆီဆိုင်တွေရှိပေမဲ့ အလွန်ရှားပါတယ်။

အမေရိကားရောက်ရင် ကားမောင်းလိုင်စင် ဖြေရတယ်။ ဧည့်သည် Visit လာသူများကတော့ ကိုယ့်နိုင်ငံက ယာဉ်မောင်းလိုင်စင်နဲ့ အမေရိကားတခုလုံး ကြိုက်သလိုမောင်းလို့ရတယ်။ စင်ကာပူမှာလည်း အတူတူပါပဲ။ အမေရိကား၊စင်ကာပူမှာ အလုပ်ပါမစ်၊ ကျောင်းသားပါမစ်၊ ဂရင်းကဒ် စတဲ့အခြေအနေများနဲ့နေမယ်ဆိုရင်တော့ ကားမောင်းလိုင်စင်စာမေးပွဲဖြေရပါတယ်။ အမေရိကားမှာတော့ ရေးဖြေ၊ လက်တွေ အမောင်းစာမေးပွဲတွေ အောင်ပြီးရင် အလွယ်တကူ ကားမောင်းလိုင်စင်ရသွားပါတယ်။ စင်ကာပူမှာတော့ ကန်သတ်ထားလို့ ဒေါ်လာထောင်နဲ့ချီပြီး သင်တန်းတက်ပြီးမှ ၃လ အနည်းဆုံးကြာအောင် စာမေးပွဲဖြေ၊အောင်ရတယ်။ တော်တော်ခက်တယ်လို့ ပြောရမယ်။ အမေရိကားကတော့ တစ်ပတ်အတွင်း ရေးဖြေ၊ လက်တွေ စာမေးပွဲဖြေ၊ အောင်ပြီး အလွယ်တကူ လိုင်စင်ရပါတယ်။

စင်ကာပူမှာတော့ ကိုယ်ပိုင်ကားဝယ်ဖို့ တော်တော်အကုန်အကျများပါတယ်။
COE အစိုးရအခွန် (၁၀နှစ်စာ ဒေါ်လာ ၂သောင်းလောက် ကြိုပေးရပါတယ်။)
Road Tax တစ်နှစ် ဒေါ်လာ ၇၀၀ ခန့်
Parking Fee တစ်လ ဒေါ်လာ ၈၀ (တစ်နှစ်ဒေါ်လာ၉၀၀ခန့်)
အာမခံ Insurance တစ်နှစ် ဒေါ်လာ၅၀၀ မှ တစ်ထောင်ကျော် .. စသဖြင့်ပေးရပါတယ်။ ကားတစ်စီး အိမ်မှာရပ်ထားရင်တောင် တစ်လကို ဒေါ်လာ ၄၀၀လောက်ကုန်နေပါပီ။ မောင်းပြီဆိုရင်တော့ ဆီဖိုးကလည်း အမေရိကားထက် ၂ဆလောက်ပိုပေးရတယ်။ ကားကို အကြွေးနဲ့ဝယ်တာဆိုတော့ လစဉ်အရစ်ကျ ဒေါ်လာ၄၀၀ကနေ တစ်ထောင်ပတ်ဝန်းကျင်ထိ ကားဈေးကိုမူတည်ပြီး ပေးရတယ်။ သာမန်ကားတစ်စီးရဲ့ လစဉ်ကုန်ကျစရိတ်ကတော့ ဒေါ်လာ၇၀၀ခန့်ပါ။ မောင်းရင်တော့ ဓါတ်ဆီဖိုး ၃၀၀ ကနေ့ ၆၀၀အတွင်း ပျှမ်းမျှကုန်ကြပါတယ်။

အမေရိကားက ကားတွေကတော့ Tax မပေးချင်ရင်လည်း မောင်းလို့ရပါတယ်။ Insurance မရှိပဲလဲ မောင်းကြတယ်။ Car Incident ဖြစ်ရင်တော့ Insurgence မရှိသူကို ရှိသူက နင်းကန်တောင်းလေ့ရှိပါတယ်။ မပေးနိုင်ရင် အစိုးရဆီတင်ပြပြီး လူမွဲစာရင်းခံရဖို့ပဲရှိပါတယ်။ အမေရိကားမှာ ကားဈေးတွေကလည်း ချိုသာလှပါတ်ယ။ စင်ကာပူမှာ ဒေါ်လာ ၄သောင်းကျော် ကားသစ်တစ်စီးကို အမေရိကားမှာ ဒေါ်လာ ၂သောင်းမကုန်ပဲ ၀ယ်လို့ရပါတယ်။ ကားဟောင်းဆိုရင်တော့ ရာဂဏန်းလောက်ပဲ ပေးရတယ်။

ကားပြင်ရင်လည်း ကားဝပ်ရှော့တွေမှာ သွားပြင်ရင် ပစ္စည်းဖိုးက ဒေါ်လာတစ်ရာ၊ လုပ်အားခက ဒေါ်လာ ၂၀၀ ပေးရတယ်။ အမေရိကားမှာ လုပ်အားတန်ဖိုးက ကုမဏ္ဍီဈေးနှုန်းအတိုင်းတောင်းတော့ တစ်နာရီ ဒေါ်လာ ၁၅၀ ကနေ ၂၀၀ အတွင်း ကျသင့်ပါတယ်။ ဒါကြောင့် ကိုယ်ပိုင်ဝပ်ရှော့ဆိုင်ကလေးများဆီ ကားပြင်ရင်တော့ ပိုသက်သာတယ်။ စင်ကာပူမှာတော့ ကားပြင်စရိတ်က မြန်မာပြည်အတိုင်းပါ၊ ပစ္စည်းဝယ်ရင် အခမဲ့ တပ်ဆင်ပေးလေ့ရှိပါတယ်။

ကား ဖိုင်းထိခြင်းကို အမေရိကန်များက တစ်ကက် Ticket လို့ခေါ်ပါတယ်။ ကားမရပ်သင့်တဲ့နေရာ၊ မရပ်သင့်တဲ့အချိန်၊ များမှာ ရပ်ထားမိရင် ဒေါ်လာ၇၀ နဲ့အထက် ဖိုင်းထိပါတယ်။ ကားအမြန်နှုံးကျော်သွားလို့ မိသွားရင် ဒေါ်လာ၃၀၀ ဖိုင်းထိပါတယ်။ အရက်သောက်မောင်းလာတာမိသွားရင်တော့ စင်ကာပူလိုပဲ ဒဏ်ငွေ ငါးထောင်လောက်ရိုက်ပြီး၊ လိုင်စဉ်ရုတ်သိမ်းခံရတဲ့အထိ ဒဏ်ကျနိုင်ပါတယ်။ ခြုံကြည့်ရင်တော့ အမေရိကန် Ticket က ပိုဈေးကြီးပါတယ်။

ရဲကားများ
အမေရိကားမှာ ရဲကားတွေ အလွန်များပါတယ်။ မိုင်၅၀ပတ်လည် နယ်မြေမှာ ရဲကား၂စီး တာဝန်ကျတယ်။ ကိုယ်နယ်မြေမှာ နေ့ဆိုင်း၊ ညဆိုင်း ရဲတွေအလုပ်လုပ်ကြတယ်။ ပြဿနာတစ်ခုခုဖြစ်ပြီး (ဥပမာ အိုဗာစပိ over speed ဖြစ်သွားလို့ ရဲကားလိုက်ရင် ဘေးထိုးပြီးရပ်ပေးလိုက်ပါတ။် ရဲကားက ကိုယ့်ကားရှေ့ကို ရပ်ပြီး ကိုယ့်ဆီ လမ်းလျှောက်လာရင် လက်၂ဖက်လုံး မြျှောက်ထားပါ။ ကိုယ့်မှာ လက်နက်မရှိဘူးဆိုတဲ့သဘောပါပဲ။ ရဲတွေမှာ သေနပ်တွေပါတော့ အလျှင်းမသင့်ရင် ရဲက ပစ်ချလိုက်လို့ သေသွားရတဲ့ ဘုမသိ၊ကားမောင်းသူများစွာ ရှိသလို၊ လူဆိုးကားမောင်းသူက ပစ်သတ်လိုက်လို့ သေရတဲ့ ရဲတွေလည်း မနည်းလှပါဘူး။
စင်ကာပူမှာတော့ ရဲဖမ်းရင်၊ လက်မြှောက်ထားစရာမလိုပါဘူး။ စင်ကာပူမှာ လက်နက်ကိုင်ဆောင်မှုမပေးပါ။ လက်နက်ကိုင်ဆောင်သူ မိသွားရင် သေဒဏ် (ကြိုးပေး) သတ်ခံရမယ်ဖြစ်ပါတယ်။
အမေရိကား နဲ့ စင်ကာပူ ရဲများရဲ့ လစာငွေ တော်တော်ကောင်းပါတယ်။ ရဲဆိုရင် ပညာတတ်ရပါတယ်။ စင်ကာပူမှာဆို ရဲလုပ်ရင်တောင် ဒီပလိုမာအနည်းဆုံးအဆင့်အောင်ထားရပါတယ်။ လစာလည်း ဒေါ်လာ ၂၅၀၀ အထက်ရပါတယ်။ အခွင့်အရေးတွေလည်း အများကြီးရပါတယ်။ အမေရိကန်ရဲကတော့ တစ်လ ဒေါ်လာ ၅၀၀၀ အထက်ရပါတယ်။ ၂ဆပိုရပေမဲ့ အမေရိကားရဲ့ လူနေမှုစါးရိတ်က စင်ကာပူထက် ၂ဆမက ဈေးကြီးလှပါတယ်။ ဒီတော့ စင်ကာပူရဲက ငွေပိုစုမိပါတယ်။

ကားငှားခြင်း
အမေရိကားမှာ ကိုယ်ပိုင်ကားများကို ခရီးနီးများသာ မောင်းကြပါတယ်။ မိုင်ရာနဲ့ချီတဲ့ နေရာမောင်းရမယ်ဆိုရင် ကားငှားကြတယ်။ ငှါးခကလည်း တစ်ရက် ဒေါ်လာ ၂၀ ပတ်ဝန်းကျင်လောက်ပဲရှိကြတယ်။ လေယာဉ်နဲ့ခရီးသွားရင် ရောက်တဲ့လေဆိပ်မှာပဲ ကားကောက်ပြီးငှားသွားတယ်။ ကားငှားလုပ်ငန်းဟာ တော်တော်တွင်ကျယ်တဲ့လုပ်ငန်းဖြစ်ပါတယ်။ လူစီးကားသာမက ပစ္စည်းတင်တဲ့ လော်ရီ၊ကုန်ကားများလည်း ငှားကြပါတယ်။ စင်ကာပူမှာတော့ ကားငှားခဈေးနှုန်းတော်တော်ကြီးပါတယ်။ တစ်ရက်ကို ဒေါ်လာ ၅၀အထက်ပေးရပါတယ်။ ကားငှားလုပ်ငန်းလုပ်ကိုင်သူ နည်းပါးလှပါတယ်။

စင်ကာပူမှာတော့ ကားဈေးကြီးလို့ လူတွေ ကားမ၀ယ်ပဲ၊ ရထား၊ ဘတ်စ်ကားစီးကြတယ်။ ငွေကုန်သက်သာတာပေါ့။ အမေရိကားမှာတော့ ကားအကြီးကြိးတွေ အကြွေးနဲ့ဝယ်ကြတော့ မြန်မာများ ကားဖိုး၊ လစဉ်အရစ်ကျဖြတ်ငွေနဲ့ မွဲနေကြတယ်ဆိုပဲ။ အိမ်တော့မ၀ယ်ရသေးဖူး .. ကားကိုအရင်ဝယ်ကြတယ်။ ပြီးတော့ ကားဖိုးလစဉ်ကြေးနဲ့ ဖိုင်း ticket ဖိုး တစ်လ ဒေါ်လာတစ်ထောင်ကျော်ကုန်နေကြတယ်။ မလွယ်ပါဘူး....။

အမေရိကား ကျွန်တော့် ကားမောင်းအတွေ့အကြုံ အချို့ကို ဖတ်ရှုဖို့ လင့်ခ်ပေးလိုက်ပါတယ်။
http://murann.com/documents/usa.10.month.in.2008.some.pages.of.300p.pdf


ဝတ်မှုန်
၅-မေလ-၂၀၁၁

No comments:

Post a Comment