Thursday, August 18, 2011

အလုပ်အကိုင်


အမေရိကားရောက် မြန်မာများမှာ အလုပ်၊ ၂မျိုးရှိပါတယ် ဆိုကြပါစို့ဗျာ ..။

၁။ ဂရင်းကဒ်မရှိသော ကျောင်းသား နဲ့ အလည်ရောက်ရှိနေသူများ
၂။ ဂရင်းကဒ် (သို့မဟုတ်) အမေရိကန်နိုင်ငံသားဖြစ်ပြီးသူများ
ဖြစ်ပါတယ်။
ဂရင်းကဒ်မရှိသေးခင်အလုပ်များ
ဝင်ငွေ ဘယ်လောက်ရသလဲ ဆိုတာကို ကျွန်တော့ ကိုဒေးဗစ် ရဲ့ပြောပြချက်အရ ဆိုရင် အမေရိကားမှာ လူ၂မျိုးပဲရှိတယ်။ အရမ်းကြိုးစားပြီး၊ ပညာသင်၊ အောင်လက်မှတ်တွေ ရအောင်လုပ်ပြီး လုပ်မဲ့လုပ် အပြက်လုပ်တဲ့ လူတန်းစားကတော့ ကြီးပွားမဲ့လူပဲ။ အဲ .. ဒုတိယ လူတန်းစားကတော့ ထောက်ပံကြေး ထုတ်စားတဲ့ အဆင့်ပဲ၊ ရှင်းရှင်းပြောရရင် လူပျင်း၊ စာမကြိုးစား ချင်တဲ့ လူတန်းစားပေါ့။

ဥပမာပြောရင် ငါ့ညီပေါ့ကွာ။ ဟိုး..ဂျပန်မှာ ဆူရှိဆိုင်အလုပ်လုပ်ရင်းကနေ ငါတို့မောင်နှမတွေက ကိုယ့်ညီဆိုပြီး၊ အမေရိကားကို ခေါ်လိုက်တယ်။ အမေရိကားရောက်တော့ သူက ဂျပန်မှာ နှစ်ပေါင်းများစွာ ဆူရှီဆိုင်မှာ လုပ်ခဲ့ပြီးသားဆိုတော့ အမေရိကားက ဆူရှိဆိုင်မှာပဲ လုပ်မယ်။ ပြီးရင် ဆိုင်မန်နေဂျာ၊ ဆိုင်ပိုင်ရှင်၊ ပြီးတော့ ဆိုင်ခွဲတွေ အများကြီးဖြစ်အောင်လုပ်ပြီး ချမ်းသာအောင် ကြိုးစားမယ် .. ပြောတယ်ကွ။ အပြောကတော့ ဟုတ်နေတာပဲ။ ဒါနဲ့ ၂နှစ်လောက် လုပ်ပြီးတော့ ဖင်နာတယ်၊ ခေါင်းနာတယ် ဖြစ်လာတယ်။ အလုပ်ခွင် ပြသနာတွေကို ပြောပြပြီးတော့ အခက်အခဲတွေ၊ အဆင်မပြေတာတွေကြောင့် အစ်ကိုဖြစ်တဲ့ ငါ့ဆီမှာပဲ ဆောက်လုပ်ရေးကန်ထရိုက်အလုပ်မျိုး လုပ်ချင်ပါတယ် ပြောလာတယ်ကွာ။ ငါသိတာပေါ့။ သူက ရတဲ့ပိုက်ဆံကို ဘယ်လို သုံးဖြုန်းနေသလဲဆိုတာ၊ ကာစီနိုသွားတယ်။ နိုက်ကလပ်၊ သောက်စား၊ ပျော်ပါးနေတာ။ အစ်ကို၊ အစ်မရှေ့မှာတော့ အိမ်လခ၊ ဈေးကြီးတယ်။ ကားမောင်းရင်း တစ်ကက်၊ ဒဏ်ငွေဆောင်ရတယ်။ ကားတိုက်မှုကြောင့် လျှော်ကြေး ဘယ်လောက်ပေးလိုက်ရတယ် .. စသဖြင့် ညာပြောနေတယ်။ နောက်ဆုံး ကိုယ်လုပ်တဲ့ ဆူရှီအလုပ်ကိုလည်း ဆိုင်ဖွင့်နိုင်တဲ့အထိ လက်မှတ်ရအောင် စာမေးပွဲလဲမဖြေချင်၊ ဖြေပြန်တော့လည်း မအောင်နဲ့ .. ပြောလဲမရဘူး။ အမေကလည်း ညီငယ်လေး ဆူရှီဆိုင်မှာ အဆင်မပြေဖြစ်နေရှာတယ်။ မင်းရဲ့အလုပ်မှာ လက်ထောက်ဖြစ်ရအောင် အားကိုးရမှာပဲ။ ခေါ်ပြီးလုပ်လိုက်ပါ သားရယ် .. ဆိုပြီး ဒီလူပျင်းကို ငါ့အလုပ်မှာ ခေါ်ထည့်ဖို့ တွန်းအားပေးလာတယ်။

နောက်ဆုံးတော့ကွာ .. ညီဖြစ်သူကလည်း၊ အလုပ်သမားအဖြစ်နဲ့ စပြီး၊ အောက်ခြေအလုပ်တွေက စတင်၊ အလုပ်သင်ပါမယ်။ အစ်ကိုသင်ပေး သမျှ အကောင်းဆုံး လုပ်ရင်း၊ လက်ထောက်ဖြစ်လာအောင် ကြိုးစားပါမယ် ဆိုလာတာတစ်ကြောင်း၊ အမေ့စိတ်မကောင်း မဖြစ်အောင်၊ ညီတော်မောင်ကို ငါ့အလုပ်ထဲမှာ ခေါ်ထည့်လိုက်ရတယ်။

ဒီကောင်က စခါစတော့ မဆိုးဘူးကွ။ အရင်က ကာစီနို၊ သောက်စား၊ ပျော်ပါးအလုပ်တွေ မလုပ်တော့ဘူး။ ငါလည်း တတ်နိုင်သလောက် သင်ပေးတယ်။ သူက ကိုယ့်ညီအရင်းလဲဖြစ်တယ်။ ကြိုးလည်းကြိုးစား လာတယ်ဆိုတော့ ယုံတော့မယုံရသေးဘူး၊ တစ်နှစ်လောက်တော့ စမ်းကြည့်ရမယ် ဆိုပြီး အလုပ်သမားအဆင့်မှာပဲ၊ တခြားအလုပ်သမားတွေနဲ့ အဆင့်တူ၊ လစာတူပဲ ပေးတယ်။ ငါက အလုပ်သမားတွေကို ဈေးမနှိမ်ဘူး။ ကာလီဖိုးနီးယားမှ တစ်နာရီ ၁၀ဒေါ်လာ ပေးတယ်ဆိုရင် အားလုံးကို တန်းတူပေးတယ်။ ဒီကောင်က ငါပေးတဲ့အတိုင်း၊ ပုံစံမှန်နေတယ်။ အဲ .. တစ်နှစ်ကျော်လာချိန်မှာတော့ ဒီကောင်က အချိုးနည်းနည်းပြောင်းလာတယ်။ ညီအရင်းဆိုပြီး အခွင့်အရေးယူလာတယ်။ အလုပ်သမားတွေကိုလည်း ဘော့စ်လိုလုပ်လာတယ်။ ငါ့ခိုင်းတာတောင် ငါ့ကို ပြန်မေးခွန်း ထုတ်လာတယ်။ နောက်ဆုံးတော့ ထုံးစံအတိုင်း ငါ့ကွယ်ရာမှာ ကာစီနို၊ နိုက်ကလပ်၊ သောက်စားပျော်ပါးတဲ့ အပေါင်းအသင်းတွေနဲ့ ပြန်လည်ပေါင်းထုတ်လာတယ်။

နောက်ဆုံးတော့ ငါကရှင်းရှင်းပဲ မေးလိုက်ရတယ်။ မင်းက ဘော့စ်လား၊ ငါကဘော့စ်လား။ မင်းပုံစံ အချိုးတွေ တဖြေးဖြေးပျက်လာတယ် ..ဆိုပြီး၊ ငါမသိဘူးထင်ပြီး သူလုပ်နေတာတွေ လိုက်ဖေါ်ထုတ်၊ လက်တွေ့ ဖမ်းပြလိုက်ရတယ်။ နောက်ဆုံးတော့ ဒီကောင်လည်း ငါ့အလုပ်မှာ မဟန်တော့ဘူးဆိုတာ သိသွားတော့ ထွက်သွားတယ်။ အစ်ကိုက ညီဖြစ်သူကို အလုပ်ထုတ်ပစ်သလိုပုံစံ၊ မကောင်းပါဘူးကွာ။ ငါ့အမေလည်း စိတ်မကောင်းပေမဲ့ ငါလည်း ရှင်းပြရတာပေါ့။ ဒီကောင့်အကျင့်လည်း အမေကသိပြီးသားဆိုတော့ ညီအစ်ကိုနှစ်ယောက် ကွဲပြဲရတာ၊ ဘာမှမပြောတော့ပါဘူး။ ဒါပေမဲ့ မင်းညီကိုတော့ ပစ်မထားပါနဲ့ ပြောတာကြောင့်၊ ကိုယ့်အလုပ်မှာ မခန့်ထားနိုင်ပေမဲ့ တတ်နိုင်သမျှ အဝေးက ကြည့်ရှုတာပေါ့။

ဒီကောင်ရဲ့ မိန်းမကိုတော့ အရမ်းသနားတယ်။ ကလေးတွေနဲ့ မိန်မခမြာ ကလေးထိန်း၊ ပြုစုစောင့်ရှောက် ရတဲ့အပြင်၊ သူ့ရဲ့ ပြသနာတွေကိုလည်း လိုက်ရှင်းရတယ်။ ကလေးကျောင်းသွားတဲ့အချိန်မှာာ အချိန်ပိုင်း အလုပ်တွေ လိုက်လုပ်ရင်း၊ ၀င်ငွေရှာရတယ်။ နေစရိတ်ကလည်း ဈေးကြီးတော့ ငါ့အိမ် ၃လုံးရှိတာ၊ တစ်လုံးရဲ့ အောက်ထပ်မှာ တစ်လ ဒေါ်လာ ၇၀၀ နှုန်းနဲ့ ငှားထားရတယ်။ အိမ်လခ မပေးနိုင်တဲ့အချိန် နောက်မှပေးပါမယ်ဆိုတော့လဲ၊ ကြည့်ရှုစောင်မရတာပေါ့။ ငါ့ညီကတော့ ဘာအလုပ်တွေ လုပ်နေသလဲတော့မသိဘူး။ အလုပ်ရှိနေတုံးက ရတဲ့ ခရက်တစ်ကဒ် Credit Card နဲ့လည်း ကာစီနို၊ နိုက်ကလပ်၊ ပျော်ပါး၊ သောက်စား ဆိုတော့ အကြွေးတွေအများကြီးတင်တယ်။ ဘဏ်တွေအများကြီးမှာ အကြွေးတွေ မဆပ်နိုင်လို့ ဘာတွေ ဆက်ဖြစ်မှန်းလဲ မသိချင်တော့ပါဘူး။ ငါလည်း စုံစမ်းမနေတော့ပါဘူး။ သူတို့လင်မယားနဲ့ ကလေးတွေလည်း အစိုးရဆီက အလုပ်လက်မဲ့၊ သားသမီးများကို ထောက်ပံကြေးတောင်းပြီး နေထိုင်ရတယ်။ မလွယ်ပါဘူး။ ငါ့ညီလိုလူတွေကတော့ အမေရိကားမှာ ၁၀နှစ်နေလည်း။ စိတ်ဓါတ် Attitude ပြောင်းလဲမှ ဘ၀တိုးတက်မှာပါ ဟု သူ့ညီဖြစ်သူအတွက် ကောင်းစေချင်သောစိတ်နှင့်.. ပြောဆိုပါတယ်။
ဒါကြောင့် အမေရိကားမှာ အလုပ်အရမ်းကြိုးစား၊ ပညာ၊ လက်မှတ်တွေ ရအောင်လုပ်နိုင်ရင်လုပ်၊ မကြာခင် ၅နှစ်လောက်ဆိုရင် ငါလို ကြီးပွားလာမယ်။ ဒါမှမဟုတ်ရင် ငါ့ညီလိုဖြစ်မယ်။ ဒီ၂မျိုးပဲ ရှိမယ်။ ကြားနေအဆင့် လူလတ်တန်းစားဆိုတာ အခု အမေရိကားမှာ မရှိတော့ဘူးကွ .. ဟု ဆိုသတည်း။

ဒါကတော့ သူ့ရဲ့ အမြင်ပဲဖြစ်ပါတယ်။
တကယ်တော့ အမေရိကန်မှာ အလယ်လတ်လူတန်းစားအများဆုံးရှိပါတယ်။ အခု၂၀၀၈-၂၀၁၂ သမ္မတအိုဘားမားလက်ထက်မှာတော့ ခက်ခဲတဲ့ကာလအချိန်ဖြစ်လို့ အလယ်လတ်လူတန်းစား ပျောက်နေသလို ဖြစ်ရပါတယ်။


ကိုဒေးဗစ်၏အလုပ်အကိုင်အကြောင်း
သူကတော့ ဂျပန်ပြည်၊ တိုကျိုမြို့မှာ နှစ်ပေါင်းများစွာ အလုပ်လုပ်ခဲ့ပြီး၊ ၂၀၀၀ လောက်မှာ အမေရိကားကို ရောက်လာတယ်။ တိုကျိုမှာလည်း ဆောက်လုပ်ရေးလုပ်ငန်းများ လုပ်ခဲ့တယ်။ ဂျပန်စနစ်နဲ့ လုပ်ခဲ့ရပြီး အလွန်ကြိုးစားရကြောင်း၊ ဂျပန်စကားနဲ့ ဂျပန်ဆောက်လုပ်ရေးစနစ်များကို အလွန်ကျွမ်းကျင် လက်မှတ်ရခဲ့ကြောင်း။ အမေရိကားကိုရောက်လာတဲ့အခါ ဂျပန်စနစ်ကို လွှင့်ပစ်လိုက်၊ မေ့ပစ်လိုက်ရပြီး အမေရိကန် ဆောက်လုပ်ရေးစနစ် နဲ့ အမေရိကန် ဆောက်လုပ်ရေးလက်မှတ်များကို ရအောင် စာမေးပွဲဖြေ၊ အောင်မြင်အောင်လုပ်ရတယ်။ အောက်ခြေအလုပ်သမားဘ၀က သုညမှ ပြန်လည်စတင်ခဲ့ရကြောင်း။ ၅နှစ်လောက်လုပ်ပြီးမှ ကိုယ်ပိုင်အလုပ်လုပ်ပြီး အခု အလုပ်သမား ၅ယောက်၊ ၁၀ယောက်လောက် ခန့်ထားနိုင်ပြီဖြစ်ကြောင်း ပြောပြပါတယ်။

ငါက ယိုးဒယားစကား၊ ဂျပန်စကား၊ မြန်မာစကား၊ တရုပ်စကား၊ အင်္ဂလိပ်စကား ကောင်းကောင်းပြောတတ်ပြီး၊ အင်္ဂလိပ်စာလည်း အရမ်းလေ့လာထားတော့၊ အတန်းပညာမတတ်ပေမဲ့ ငါ့လက်အောက်မှာ၊ ဆရာဝန်၊ အင်ဂျင်နီယာ၊ မြန်မာပြည်က အရာရှိတွေ အများကြီး အလုပ်ခန့်ထားနိုင်တယ်ကွ .. ဟုလည်း ဂုဏ်ယူပြောကြားပါတယ်။ အေးကွာ ဒီလူတွေလည်း သူတို့ နေထိုင်ခွင့် လက်မှတ်မရခင်တော့ ငါ့ဆီမှာ လာလုပ်ကြတယ်။ နောက်ပိုင်း နေထိုင်ခွင့်ရသွားတော့ အရည်အချင်းရှိတဲ့လူတွေ အဆင့်မြင့် အလုပ်တွေကို ပြောင်းသွားကြတယ်။

ကိုဒေးဗစ် သည် စားသောက်ဆိုင်များ၊ အိမ်များ။ ကုန်တိုက်များကို ပြုပြင်မွမ်းမံ၊ Renovation Contractor တစ်ဦးဖြစ်ပါတယ်။ ယိုးဒယား၊ ဂျပန်၊ တရုပ်စားသောက်ဆိုင်များပိုင်ရှင်များက အလုပ်အပ်နှံတယ်။ အလုပ်ကို အထူးကြိုးစား လုပ်ကိုင်သောကြောင့် ၃နှစ်အတွင်း အိမ်တစ်လုံး ၀ယ်နိုင်လာတယ်။ မြန်မာပြည်မှ လာရောက်ခြေချသူ အမျိုးသမီးတစ်ဦးနှင့် အိမ်ထောင်ကျပြီး၊ သားသမီးများနှင့်ဖြစ်နေတယ်။ ဆက်လက်ကြိုးစားလုပ်ကိုင်၊ စုဆောင်းငွေဖြင့် နောက်ထပ် အိမ်တစ်လုံးပြီး၊ တစ်လုံး ၀ယ်နိုင်တယ်။ ထိုအိမ်များကို အခန်းကန့်ထားပြီး အပေါ်ထပ်၊ အောက်ထပ် အိမ်ငှားထားတယ်။ အပင်ပမ်းလည်း ခံနိုင်ပါတယ်။ အလုပ်ကို မနားမနေလုပ်ကိုင်ပြီ၊ ထိုအိမ်များကို သွားရောက်၊ အလာပ၊ သလာပ ပြောနိုင်တယ်။ ထိုအိမ်များအတွက် ပြုပြင်ထိန်းသိမ်းရေးများကိုလည်း လစ်ဟင်းမှုမရှိအောင်လုပ်ပေးပါတယ်။

ကိုဒေးဗစ်၏ မိန်မကလည်း တော်ပါတယ်။ ငွေကြေးစုဆောင်းမိလာပြီးနောက် မြန်မာစားသောက်ဆိုင်တစ်ခု တည်ထောင်တယ်။ မြန်မာပြည်မှ လက်ဘက်သုပ်သည် ရောင်းအကောင်းဆုံးဖြစ်တယ်။ ထိုဆိုင်ကို အမေရိကန်များ (အထူးသဖြင့် အဖြူကောင်များ) လာရောက်စားသောက်ရေးအတွက် အမေရိကန်အကြိုက် ပြင်ဆင်၊ ချက်ပြုတ်တယ်။ အမေရိကန်များမှာ ညနေ၊ နေ့လည်တွင် အစားအသောက် အထူးအဆန်းများကို လိုက်လံစားသောက်ကြသဖြင့်၊ ကိုဒေးဗစ်ဇနီးသည်၏ ဆိုင်သည် နာမည်ရလာပြီး၊ တစ်နှစ်ကျော် တောင့်ခံ၊ ဖွင့်လစ်သောအခါ အမေရိကန်များ ပုံမှန်လာစားသောက်သော ဆိုင်အဖြစ်သို့ ရောက်ရှိလာပါတယ်။ သို့သော် ပထမ ခြောက်လတွင် များစွာ အရှုံးထွက်ရတယ်။ ဟင်း၊ သား၊ ငါးများ ချက်ပြုတ်ထားပြီး လူမလာသဖြင့် လွှင့်ပစ်လိုက်ရခြင်း၊ အလုပ်သမား ၁၀ယောက်ခန့် ခန့်ထားရသဖြင့် အလုပ်သမား လခ တစ်လ သောင်းနှင့်ချီပေးရခြင်း။ မြို့ထဲတွင် ဖွင့်ထားသောဆိုင်ဖြစ်သောကြောင့် ဆိုင်ငှားခ ဈေးမကြီးသော်လည်း၊ အရောင်းပါးသော ဖွင့်ကာစကာလများက ဆိုင်ပြန်ပိတ်ရမည်ကို အလွန်စိုးရိမ်ခဲ့ရကြောင်း၊ ယခု တစ်နှစ်ကျော်လာပြီးသည့်နောက် စားသောက်ဆိုင်လုပ်ငန်းမှာ အမေရိကန်များနှင့် သင့်တော်အောင် လုပ်နိုင်သောကြောင့် အမြတ်အစွန်းထွက်လာပြီးဖြစ်ကြောင်း .. ပြောပြပါတယ်။
သူဌေးဖြစ်လာသူ ကိုဒေဗစ်က ပိုက်ဆံအကြောင်း ပြောပါသေးသည်။ "ပိုက်ဆံဆိုတာ အစုလိုက်အပြုံလိုက်၊ လာခဲတယ်။ နဲနဲချင်းပဲလာတယ်။ အဲဒါတွေကို ပြန်မထွက်အောင် ကာထားရတယ်ကွ" .. ဟု ဆိုပါသည်။

ထောက်ပံကြေး
မြန်မာပြည်မှာ ထိုင်း၊ မြန်မာနယ်စပ်ကနေ ဒုက္ခသယ်အဖြစ် အမေရိကားရောက်လာသူ အပျိုမလေး မ၀ါဝါအကြောင်းပါ။ အစိုးရက ထောက်ပုံကြေးပေးသောကြောင့် ပထမ ၆လတွင် တစ်လ ဒေါ်လာ ၇၀၀ခန့် ရရှိပါတယ်။ အင်မတန် ပျော်စရာကောင်းပါတယ်။ အင်္ဂလိပ်စကား ရေး၊ ဖတ်၊ ပြောတတ်ရန် အစိုးရမှ စီစဉ်ပေးသော အင်္ဂလိပ်စာသင်တန်းများကို တက်ရသည်မှာ ကြာတော့ ပျင်းစရာကောင်းလာပါတယ်။ အလုပ်တစ်ခုကို လုပ်ရန် ဆိုပြန်လျှင်လည်း တစ်လ ဒေါ်လာတစ်ထောင်မျှသာ ရမယ်ဆိုတော့ ကျောင်းတက်ပြီး ထောက်ပံ့ကြေးပဲ စားနေချင်ပါတယ်။ တစ်လ ဒေါ်လာ ၂၀၀၀ကျော်ရမဲ့ သူနာပြုအလုပ်အတွက် သင်တန်း ၃လလောက် တက်ပါလား ဆိုတော့လည်၊ မတက်ချင်ပါ။ စာရင်းကိုင်၊ စာရေးမအလုပ်ပဲ လုပ်ချင်တဲ့အတွက် စာရင်းကိုင်သင်တန်းကို ပိုက်ဆံပေးပြီး တက်ပါတယ်။ အင်္ဂလိပ်စာသင်တန်း မတက်ဖြစ်တော့ဘူး။ ၆လကြာတော့ အစိုးရက ထောက်ပံ့ကြေး ဖြက်မယ် စာလာပါတယ်။ ထောက်ပံ့ကြေးဆက်လိုချင်ရင် အစိုးရရဲ့ အလုပ်ရှာဖွေရေး သင်တန်းကို တစ်ပတ် ၅ရက်၊ ရုံးချိန်မှာ တက်ရမယ်ဆိုတယ်။ စာရင်းကိုင် သင်တန်းတက်နေကြောင်း အရာရှိကိုပြောပြတော့ ဒီသင်တန်းတွေက တရားမ၀င်ဘူး၊ အင်္ဂလိပ်စာ သင်တန်းပြန်တက်ချင်တက်ပါ။ သို့မဟုတ် အလုပ်ရှာဖွေရေးသင်တန်းတက်ရင် အလုပ်ရှာဖွေရေးက ပေးတဲ့အလုပ်တွေကို လုပ်ရမယ်။ လုပ်တာနဲ့ ထောက်ပံ့ကြေးမပေးတော့ဘူး၊ အလုပ်ရှာပေးတဲ့အလုပ် ၃ခါစလုံး ကိုယ်က မလုပ်နိုင်ဘူး Reject ဆိုရင်လဲ ထောက်ပံ့ကြေးဖြက်မယ်။ နောက်ဆုံးတော့ မ၀ါဝါလည်း စာရင်းကိုင်အလုပ် ကွန်ပြူတာနဲ့ အဲယားကွန်းအလုပ်ကိုလည်း မရနိုင်၊ အင်္ဂလိပ်စကား ကောင်းကောင်းမပြောနိုင်တော့ နောက်ဆုံး ကျပမ်းအလုပ်ပဲ လုပ်လိုက်ရပါတယ်။ ဒါမှမဟုတ်ရင် ထောက်ပံကြေးရဖို့ သင်တန်းတွေတက်ရတာ အလွန်စိတ်ပျက်ဖွယ်ရာဆိုပဲ..။ အင်း .. EU, သြစတြေးလျှား ထောက်ပံ့ကြေးများက ဘယ်လိုလဲမသိ၊ အမေရိကန် ထောက်ပံကြေးကတော့ မလွယ်ပါလား...။



ဂရင်းကဒ်မရမှီ အလုပ်အကိုင်များ
ကိုဒေးဗစ် ပြောဆိုချက်များအရ အမေရိကန်ရောက် နိုင်ငံခြားသား များအဖို့ (အထူးသဖြင့် မြန်မာများအဖို့) ရောက်သည်နှင့် ၀င်ငွေရနိုင်သော နေ့စား အလုပ်များမှာ
၁။ စားသောက်ဆိုင်များ ၊ ဆူရှိဆိုင်များ
၂။ အိမ်သန့်ရှင်းရေး၊ ရုံးသန့်ရှင်းရေး၊ အိမ်လူနာကြည့်ရှုခြင်း၊ ကလေးထိန်း အလုပ်များ
၃။ ကုန်တိုက်များအတွက် Casher အရောင်းစာရေး၊ အလုပ်သမားများ
၎။ ဓါတ်ဆီဆိုင် ငွေကိုင်၊ ပံ့ကိုင်၊ ဆီဖြည့်အလုပ်သမား
၅။ အိမ်တွင်းမှု အစားအသောက်၊ ကိုယ်ပိုင် တနိုင်လုပ်ငန်း အလုပ်သမား
၆။ ဆောက်လုပ်ရေး Contractor အလုပ်သမား .. စသည်တို့ဖြစ်ပါတယ်။

ထိုအလုပ်များမှာ အမေရိကား ဂရင်းကဒ်ပြားမရသေးခင် လုပ်ကိုင်ကြသောအလုပ်များဖြစ်တယ်။ အလုပ်ရှင်ဟာ ငွေသားဖြင့် လက်ငင်းပေးချေတဲ့ အလုပ်များဖြစ်တယ်။ တရားမ၀င်အလုပ်များဖြစ်သောကြောင့် အစိုးရကို အခွန် Social Security ပေးသွင်းစရာမလိုသဖြင့် ၂၀% မက အလုပ်ရှင်သက်သာတယ်။ အလုပ်သမားလည်း ၂၀ရာနှုန်းမက ဖြက်တောက်မခံရ။ နှစ်ဥိးနှစ်ဘက် အဆင်ပြေသော်လည်း တစ်ခါတစ်ရံ အစိုးရထံ တိုင်တန်းခံရပါက၊ အလုပ်ရှင်အတွက် လုပ်ငန်းလိုင်စင် ထိခိုက်သွားနိုင်သည့် အန္တရယ်ရှိပါတယ်။

နယူးယောက်လို မြို့ကြီးတွင် မြန်မာများစွာနေထိုင်ပြီး၊ စိန်ကျောက်၊ ရတနာဈေးကွက်များတွင် ခြေလျှင်၊ သယ်ယူပို့ဆောင်ရသော အလုပ်များစွာရှိပါတယ်။ နယူးယောက်ကဲ့သို့ လူသန်း၂၀ခန့်ရှိသောမြို့ကြီးတွင် အလုပ်များစွာ ရှိပါတယ်။ စင်ကာပူ၊ ဘန်ကောက်၊ ကွာလာလန်ပူကဲ့သို့ လူများ ပျားပန်းခပ် လှုပ်ရှား၊ လုပ်ကိုင်သော မြို့ဖြစ်သောကြောင့်၊ ရထားစီးတတ်ဖို့ပဲလိုပါတယ်။ ကိုယ်ပိုင်ကား မောင်းတတ်ရန် မလိုပါ။ အခြား အမေရိကန်မြို့ကြီးများတွင် အထက်ပါအလုပ်များကို လုပ်ပါက အလုပ်ရှင်က သယ်ယူပို့ဆောင်ရေးကို တာဝန်ယူရပါတယ်။ သို့မဟုတ်ပါက ကားမောင်းလိုင်စင်ရအောင်ဖြေပြီး ကိုယ်ပိုင်ကားဝယ်၊ သွားလာ၊ လုပ်ကိုင်ရပါတယ်။

မက္ကဆီကန် ပဲစားပြီး သန်မာသူ
အလုပ်ကြမ်းသမားများ အမေရိကန်တွင် ရှိပါတယ်။ သူတိုအတွက် အလုပ်လုပ်ရန် အမေရိကန်တွင် လယ်ယာ၊ ခြံမြေ၊ မြောက်များစွာရှိပါတယ်။ အသီးအနှံ၊ စပျစ်ခင်း၊ လိမ္မော်ခြံ၊ သစ်သီးလ၀ံ စိုက်ပျိုးခင်းများစွာကို စက်မှုလယ်ယာစနစ်ဖြင့် လုပ်ကိုင်ရာတွင် လူအင်အားသိပ် မလိုသော်လည်း၊ လက်နှင့်လုပ်မှ ရမည့် အသီးအနှံ၊ ခူးခြွေရသော အလုပ်များရှိပါတယ်။ အမေရိကန်ပြည်တွင်းစစ် မဖြစ်မှီက ထို လယ်ယာ၊ စိုက်ပျိုးရေး အလုပ်များကို အာဖရိကမှ ငွေဝယ်ကျွန်၊ လူမဲများဖြင့် လုပ်ကိုင်ကြပါတယ်။ ယခုအခါ အမေရိကန် လူဦးရေ သန်း ၃၁၀ကျော်တွင် လူမည်း သန်း၄၀ခန့်ရှိပါတယ်။ လူမည်းများမှာ ကျွန်စနစ်ပျောက်သွားပြီးသည့်နောက်တွင် လက်ကြော မတင်းသော အလုပ်များ မလုပ်ကြတော့ပဲ၊ ထောက်ပံကြေးယူခြင်း၊ အားကစား၊ တေးဂီတ၊ မြို့ပေါ်အလုပ်များတွင် လုပ်ကိုင်ကြတယ်။ အိမ်ခြေမဲ့လူမဲများ၊ ရာဇ၀တ်မှုဖြစ်ပြီး ထောင်တွင်းနေထိုင် စားသောက်သော လူမည်းများစွာ ရှိကြပါတယ်။ လယ်ယာ၊ စိုက်ပျိုးခင်များ အတွက် မက္ကဆီကန်နှင့် အလယ်အမေရိကားနိုင်ငံများမှ တရားမ၀င်လာရောက်လုပ်သူများက အစားထိုးလုပ်ကိုင်ကြတယ်။ ထို မက္ကဆီကန်များမှာ ကမ္ဘာကျော်ဘော်လုံးသမား မာရာဒိုနာကဲ့သို့ အရပ်နှိမ့်ပြီး၊ ကိုယ်ခန္တာတောင့်တင်း၊ သန်မာကြတယ်။ အလွန်စားနိုင်သောကြောင့် အလုပ်ကြမ်း အရမ်းလုပ်နိုင်ပါတယ်။ မြန်မာ၊ တရုပ်၊ ကုလားများ မလုပ်နိုင်သောအလုပ်များကို သူတို့ လုပ်နိုင်တယ်။ မြန်မာများက သူတို့ကို ပဲစားပြီးသန်မာသောကြောင့် "ပဲ" ဟုခေါ်ကြတယ်။ သူတို့သည် လယ်ယာ သီးနှံများကို ခြံများမှ ယူလာပြီး၊ မြို့ထဲသို့ တနေကုန်၊ ကားလမ်းဘေးမှာ ရောင်းချကြတယ်။

ထိုသူအများစုမှာ တရားမ၀င်လာရောက်နေထိုင်သူများဖြစ်တယ်။ တရားမ၀င်နေထိုင်ရင်း သမ္မတရီဂင် လက်ထက်တွင် တရားမ၀င် နှစ်ပေါင်း ၂၀ကျော် နေထိုင်သူမက္ကှဆီကန်မြောက်များစွာ အမေရိကန် ဂရင်းကဒ်ကိုပေးခဲ့တယ်။ စုစုပေါင်း သန်း၃၀ခန့်ရှိကြတယ်။ အများစုမှာ ဘာလက်မှတ်မှ မရှိပဲ၊ အမေရိကားသို့ တောင်ကျော်ဝင်ရောက်လာသူများဖြစ်တယ်။ စပိန်စကား ပြောသည့် အလယ်ပိုင်း၊ အမေရိကားနိုင်ငံသားများ မက္ကဆီကို၊ ဟွန်ဒူရပ်၊ နီကာရာကွာ၊ ဂွာတီမာလာ၊ ကိုစတာရီကာနိုင်ငံများမှ ဖြစ်တယ်။ အမေရိကန်သည် သူ့နိုင်ငံတွင်းရောက်လာလျှင် တရားမ၀င်လာရောက်သူများကို ဖမ်းဆီး၊ ပြန်ပို့ခြင်း မလုပ်သည့်အပြင်၊ သူတို့ကို မတရားမခိုင်းရန် လူ့အခွင့်အရေးဖြင့် ကာကွယ်ထားပါတယ်။ သူတို့သည် လက်ငင်းငွေချေ အလုပ်များကိုသာ လုပ်ကိုင်ကြတယ်။ အလုပ်ကြမ်းအင်မတန်လုပ်နိုင်သောကြောင့် အမေရိကန် လယ်ယာ၊ စိုက်ပျိုးရေးလုပ်ငန်းများမှာ မက္ကှဆီကန်များသာ လုပ်နိုင်ကြပါတယ်။ သူတို့ကို အနိုင်ကျင့်ခြင်း၊ အခက်အခဲတစ်ခုခုဖြစ်ပါက သူတို့ သံရုံးကို ဖုန်းဆက်တိုင်တန်းခြင်း၊ သူတို့လူမျိုး အဖွဲ့အစည်းများမှ လူ့အခွင့်အရေးဖြင့် အစိုးရထံ တင်ပြတိုင်တန်းခြင်းများ လုပ်လေ့ရှိသောကြောင့် မတရားခိုင်းခြင်းမျိုး မရှိပါ။ တန်ရာတန်ရာ လုပ်အားခပေးပါတယ်။

စီးပွားရေးကပ်ဆိုက်သော ၂၀၀၇
ဒီနှစ် နောက်ပိုင်းမှာ အလုပ်၊ အကိုင်များလည်း အလွန်ရှားပါးလာပါတယ်။ မြန်မာများအဖို့ ယခင်က ဆူရှီဆိုင်တွင် နေစရိတ်၊ စားစရိတ်ငြိမ်း အလုပ်ကို တစ်လ ဒေါ်လာ ၁၅၀၀ကျော် ရရှိခဲ့သော်လည်း၊ ယခုအခါတွင် နေစရိတ်၊ စားစရိတ်ငြိမ်း တစ်လ ဒေါ်လာ ၅၀၀ခန့်ဖြင့် လုပ်ကိုင်နေရခြင်းများ တွေ့လာရတယ်။


အင်္ဂလိပ်စကားပင်မပြောနိုင်သော ကျပမ်း၊ များ
၁၉၉၅ လောက်က ဖလော်ရီဒါပြည်နယ်က ဆူရှိဆိုင်ပိုင်ရှင် မြန်မာတစ်ဦး၊ မြန်မာလူငယ်၂ဦးကို အမေရိကားကို Visit Visa နဲ့ လေယာဉ်နဲ့ လာဖို့ စီစဉ်ပေးတယ်။ ၀င်ခွင့်ရပြီး တခါတည်း သူ့ရဲ့ ဆူရှီဆိုင်မှာ ရောက်တာနဲ့ အလုပ်ခိုင်းတော့တာပဲ။ တစ်နေ့လုံး မအားမလပ်အောင်ခိုင်းတယ်။ ဆိုင်နဲ့ အိမ်နဲ့ ခေါက်တုံ့ခေါက်ပြန်၊ မနက်စောစောထ၊ ညသန်းကောင်မှ အိပ်နဲ့၊ ဆူရှီပိုင်ရှင်တွေကတော့ ကိုယ်ပိုင်အလုပ်ဆိုတော့ လုပ်နိုင်တယ်။ မြန်မာလူငယ်၂ယောက်ကလည်း အကြွေးတွေရှိတော့ သူတို့ကို တစ်လ ၅၀၀လောက်ပဲ ပေးတာ ဟုတ်လှချည်ရဲ့ဆိုပြီး လုပ်နေကြတယ်။ ဒါနဲ့ ၂နှစ်တောင်ကြာသွားတယ်။ အမေရိကားမှာ သူငယ်ချင်းလဲ မရှိ၊ မြန်မာပြည်တယ်လီဖုန်းခေါ်ချင်ရင်လည်း အိမ်ရှင်ကပဲ ခေါ်ပေးတယ်။ အင်္ဂလိပ် စကားလည်းမတတ်၊ ခွေးအ၂ကောင်လို အိမ်နဲ့ဆိုင်ကလွဲရင် တခြားမသွားရဲ၊ အဖမ်းခံရရင် မင်းတို့တော့ သွားပြီဆိုပြီး ခြိမ်းခြောက်ထားတယ်။ နောက်ဆုံး မြန်မာတစ်ဦးနဲ့တွေ့ပြီး ဟာ.. မင်းတို့၂ယောက်ကို မတရားခိုင်းနေတာ၊ ငါရဲ့ နယူးယောက်ကို အခု လိုက်ခဲ့၊ တစ်လ ၂၀၀၀ အသာလေးရတယ်၊ လုပ်ပေးမယ် ပြောတာကြောင့် အဲဒီဆူရှီအိမ်က ထွက်ပြေးလာတဲ့ မြန်မာလူငယ်၂ဦးကိုလည်း တွေ့ဖူးပါတယ်။

တရုပ်ပြည်မကြီးက တရုပ်တွေလည်း ဒီလို လူကုန်ကူးရင်း အမေရိကားရောက်လာ၊ အင်္ဂလိပ်စကားမပြောတတ်ပဲ အသက်ကြီးသည်အထိ၊ အမေရိကားမှာ အလုပ်လုပ်ကိုင်၊ နေထိုင်နေကြတာ အများကြီးရှိပါတယ်။ နယူးယောက်က ကွင်းစ်မြို့၊ ဆန်ဖရန်စစ္စကိုမြို့၊ တရုပ်တန်းတွေမှာ အင်္ဂလိပ်စကားမပြောတတ်တဲ တရုပ်မ၊ တရုပ်ကြီးများစွာ တွေ့ဖူးပါတယ်။ ဒီလိုပဲ ရုရှား၊ ယူဂိုစလားဗီးယား၊ အရှေ့ဥရောပနိုင်ငံသားများ၊ အာရှတိုက်သားများ၊ အာဖရိကတိုက်သားများစွာ ကျပန်းအလုပ်များကို အမေရိကားလာပြီး လုပ်ကိုင် စားသောက်နေသူများစွာ ရှိကြပါတယ်။


မြို့ကြီးများ
အထူးသဖြင့် ဆန်ဖရန်စစ္စကို၊ လော့စ်အိန်ဂျယ်၊ နယူးယောက် မြို့ကြီးများတွင် မြို့ထဲအိမ်ခန်းတစ်ခန်းကို တစ်လ ဒေါ်လာ ၅၀၀အထက် ပေးလာရတယ်။ ဓါတ်ဆီဆိုင်များတွင်လည်း ယခင်က လူ၃ယောက်၊ အလှည့်ကျ တစ်နေ့ ၈နာရီခန့်လုပ်နေရာမှ တစ်နေ့ ၃နာရီဖြင့် လူ၁၀ယောက်လောက် ၀ိုင်းလုပ်နေရသဖြင့်၊ ၀င်ငွေလည်း နည်းလာကြပါတယ်။ မက္ကဆီကန် များလည်း အလုပ်မရှိတော့ မနေနိုင် သောကြောင့် တောင်ကျော်ပြီး၊ ပြည်တော်ပြန်ကြရတယ်။ စီးပွားရေးကောင်းပြီး အလုပ်ကိုင် ပေါလျှင် တောင်ကျော်ပြီး အမေရိကန်သို့ ပြန်ဝင် လာကြပြန်တယ်။

ဤသည်မှာ ဂရင်းကဒ်မရခင် လုပ်ကြသော အမေရိကားမှ အလုပ်များဖြစ်ပါတယ်။



ဂရင်းကဒ်ရပြီးပါက
အလုပ်ကောင်းကောင်းရဖို့ အခွင့်အလမ်း၊ များလာပါတယ်။ အမေရိကန်တွင် အလုပ်ရပါက အနည်းဆုံး တစ်နာရီ ၁၂ဒေါ်လာဖြင့် တစ်နေ့ ၈နာရီအလုပ်လုပ်ရလျှင် ၂ပတ်လျှင် နာရီ ၈၀၊ ဒေါ်လာ ၁၆၀၀ ခန့်ရမည်ဖြစ်တယ်။ တစ်လလျှင် ဒေါ်လာ ၃၀၀၀ ကျော်၊ တစ်နှစ် US$36K ၀င်ငွေရမည်။ ၃၀% အခွန်ဖြက်ပြီးပါက တစ်လ ဒေါ်လာ ၂၀၀၀ကျော် ကျန်မည်ဖြစ်တယ်။ ပြီးတော့ Benefits ဆိုသည့် ဆေးကုသခွင့်၊ အာမခံ၊ အားလပ်ရက်၊ အပမ်းဖြေခရီး၊ မိသားစု ပညာရေး၊ ကျောင်းစရိတ်၊ သက်ကြီးပင်စင်၊ လျှော့ဈေးဝယ်ခွင့် .. စသည်တို့လည်း ရရှိမည်ဖြစ်တယ်။ အလုပ်ရှင်ကလည်း တော်တန်ရုံ၊ ဖြုတ်မပစ်နိုင်သောကြောင့် အမေရိကားတွင် အလုပ်တစ်ခုရပါက၊ ပင်စင်ယူသည့်တိုင်အောင် လုပ်မည်ဆိုပါက ရပါတယ်။ ထိုမျှပင် Job Security ရှိခဲ့ပါတယ်။ မိမိသည် အသက်မွေးပညာ ဆရာဝန်၊ အင်ဂျင်နီယာ၊ စာရင်းကိုင် ဘွဲ့ကောင်းကောင်း ရပါက တစ်နှစ်လျှင် US$80k to 100k ရရှိမည်ဖြစ်တယ်။ လစာကောင်းသောအလုပ်များမရသေးခင် တစ်လ ဒေါ်လာ ၂၀၀၀ခန့် ၀င်ငွေရမည့် မည်သည့်၊ အလုပ်မျိုးမဆို လုပ်နိုင်ပါတယ်။ အမေရိကားသည် Service Industry 80% အလုပ်များဖြစ်သောကြောင့် အရောင်းဆိုင်များ၊ စားသောက်ဆိုင်များ၊ ပညာရေး၊ စာရေးစာချီ၊ လူမှုဝန်ထမ်းလုပ်ငန်းများ၊ ဆေးရုံ၊ လူနာကြည့်သော သူနာပြု၊ အထောက်ကူလုပ်ငန်းများ၊ ပစ္စည်းပို့သောကားဒရိုင်ဘာ၊ တက်ကစီဒရိုင်ဘာ၊ အဝေးပြေးကားဒရိုင်ဘာ၊ ကုန်တိုက်ဝန်ထမ်း၊ အရောင်းစာရေး၊ ကာစီနိုဝန်ထမ်း၊ စသည့် အလုပ်များတွင် အလုပ်လိုက်လျှောက်ရတယ်။

အလုပ်လစ်လပ်သောနေရာသည် ၀ါရှင်တန်ပြည်နယ်တွင်ဖြစ်နေလျှင်၊ မိမိနေထိုင်သော ကာလီဖိုးနီးယားပြည်နယ်မှ ပြောင်းရွှေ့တန်၊ ပြောင်းရွှေ့ရပါတယ်။ အမေရိကားတွင် အလုပ်လုပ်သူများမှာ ခရီးသွား၊ လေယာဉ်စီးရသည်မှာ ထမင်းစား၊ ရေသောက်ဖြစ်ပါတယ်။ လစာများပါက ပိုပြီး ခရီးသွားရတယ်။ လစာနည်းပါက ခရီးသွားစရာမလို သလောက်ပါ။ ပျော်ပွဲစားထွက်ဖို့တော့ အမေရိကားရောက်သူတိုင်း စိတ်ဝင်စားကြပါတယ်။ ၃လတစ်ခေါက် အနည်းဆုံး ခရီးထွက်ပြီး၊ မိတ်ဆွေချင်း စမြုံပြန်လေ့ရှိကြပါတယ်။

တက္ကစီနဲ့အဝေးပြေးကားဒရိုင်ဘာ
အမေရိကားကို ခရစ်ယာန်ကျမ်းစာကျောင်း လာတက်ရင်း၊ တရားဟောဆရာတစ်ပိုင်း အလုပ်လုပ်နေသူ ဆရာလုကာ နဲ့လည်း မိတ်ဆွေဖြစ်ခဲ့ပါတယ်။ ထုံးစံအတိုင်း ကျောင်းသားဘ၀မှာ ကျပမ်း၊ စားသောက်ဆိုင်များမှာ လုပ်ကိုင်ပါတယ်။ မိတ်ဆွေများကို အရမ်းအကူညီပေးသူ ဖြစ်ပါတယ်။ သူတို့ မြန်မာဘုရားရှိခိုးကျောင်းမှာ မိတ်ဆွေများ အမြဲပါဝင်၊ ဘုရားရှိခိုး၊ ကျမ်းစာဖတ်၊ ဆုတောင်း၊ မိတ်သဟာရပြုခြင်း၊ စားသောက်ခြင်း အင်မတန်မှ ပျော်စရာကောင်းလှပါတယ်။ ဆန်ဖရန်စစ္စကိုက ဒေလီစီးတီး မြန်မာမိသားစု အသင်းတော်လေးဖြစ်ပါတယ်။ နောက်ပိုင်းမှာတော့ အဝေးပြေးကားမောင်းလိုင်စင်ရရင် ဟိုက်ဝေးကားကြီးများးမောင်းတာ ၀င်ငွေအရမ်းကောင်းတဲ့ အတွက် ကားမောင်းလိုင်စင် စာမေးပွဲဖြေရပါတယ်။ စာမေးပွဲအောင်ပြီးတဲ့နောက် အလုပ်လျှောက်ပြီး ကားကြီးများကို မောင်းတဲ့အလုပ် တစ်နှစ်လောက်လုပ်ပါတယ်။ တစ်ကိုယ်ရေသမား မိသားစုမရှိတော့ ဟိုက်ဝေးကုန်ကားကြီးတွေ မောင်းရတာ ပြသနာမရှိပါဘူး။ ၀င်ငွေလည်းကောင်းပါတယ်။ သို့သော် အိပ်ချိန်မမှန်၊ နေစရာ ခြေသလုံးအိမ်တိုင်လုပ်ရတော့ ကြာတော့မခံနိုင်တော့ပါ။ နောက် ဆန်ဖရန်စစ္စကို ပြန်လာပြီး တက္ကစီဒရိုင်ဘာ လိုင်စင်ယူပြီး တက္ကစီမောင်းပါတယ်။ ၂၀၀၀ ခေတ်လောက်ကတော့ ကာလီဖိုးနီးယားမှာ စီလီကွန်ဗဲလီး မှာ အလုပ်အင်မတန်ပေါပါတယ်။ တက္ကစီဒရိုက်ဘာလုပ်တာလဲ ငှားစီးတဲ့ လူအများကြီးရှိပါတယ်။ နာရီဝတ်စာ တစ်ခေါက်ကို ဒေါ်လာ ၅၀ လောက်ရပါတယ်။ တစ်နေ့ကို အုံနာကြေး ဒေါ်လာ ၁၅၀ လောက်ရပြီး၊ ကိုယ်အတွက် ဒေါ်လာ ၂၀၀ လောက်ရရင် တနေ့တာ တော်လောက်ပါပြီ။ ညပိုင်း ဆွဲမဲ့သူ တစ်ယောက်နဲ့ ချိတ်ဆက်ထားပြီး တလှည့်စီ ဆွဲကြတယ်။ တက္ကစီဒရိုင်ဘာဆီက ငွေလုယူတဲ့ အဖြစ်တွေ အများကြီးရှိပေမဲ့၊ ပြသနာမရှိပါဘူး။ အထူးသဖြင့် လူမဲ၊ အမျိုးသား၊ အမျိုးသမီးတွေဆို လုံးဝမလိုက်ပါဘူး။ သူတို့က တကယ်မလွယ်ဘူး။ အများအားဖြင့်တော့ မြိုထဲတစ်ဝိုက်မှာပဲ ခရီးနီးနီးတွေ လိုက်ရတာ သက်သာပါတယ်။ ငွေဓါးပြတိုက်၊ လုယူသူတွေ ၂ခါလောက်တော့ ဒီ ၅နှစ်အတွင်းမှာ ကြုံရပါတယ်။ ချိုချိုသာသာနဲ့ပဲ ပေးလိုက်ပါတယ်။ အခု ၂၀၀၈ နောက်ပိုင်းမှာတော့ တက္ကစီဒဂရိုင်ဘာတွေက များလာပြီး၊ စီးပွားရေးမကောင်းတော့ လူတွေလည်း အပြင်သိပ်မထွက်ကြဘူး။ ၀င်ငွေတော်တော်ထိခိုက်ပါတယ်။ တစ်ခါတစ်လေ အုံနာကြေးတောင် မရတဲ့နေ့များ ရှိလာတယ်။ ကျမ်းစာကျောင်းပြီးတဲ့အချိန် အမေရိကန်၊ ဘုရားကျောင်းများမှာ ဓမ္မဆရာအလုပ် အချိန်ပိုင်း လုပ်ကိုင်ပါတယ်။ ကျန်တဲ့အချိန်များမှာတော့ မိမိလုပ်စာနဲ့ ရတဲ့ငွေကို မြန်မာပြည် ခရစ်ယာန်အသင်းတော်များ၊ မစ်ရှင်များကို လှုဒါန်းပေးပါတယ်။.. ဒါကတော့ ခရစ်ယာန်ဓမ္မဆရာတစ်ဦးရဲ့ ဘ၀ပါ။

တစ်ခါလည်း ခရစ်ယာန်ဓမ္မဆရာတစ်ယောက် အမေရိကားမှာ ၁၀နှစ်နေထိုင်ရင်း၊ ဂရင်းကဒ်ရဖို့ အခြေအနေလည်း ခက်ခဲသွားပြီး၊ အလုပ်လဲ မလုပ်နိုင်၊ ကျန်းမာရေးလည်း မကောင်းတော့ မြန်မာပြည်က မိသားစုဆီ ပြန်ချင်တာကြောင့်၊ မိတ်ဆွေများ လေယာဉ်လက်မှတ်၊ ခရိးစရိတ် စုဆောင်းပေးရတယ်။ မြန်မာပြည်ပြန်သွားပါတယ်။ မြန်မာတွေလည်း များလာတော့ ဗုဒ္ဓဘာသာ ဘုန်းကြီးများစွာလည်း ဒကာကြီး၊ ဒကာမကြီးများက ဖိတ်ခေါ်လို့ အမေရိကားမှာ ကျောင်းထိုင် ဘုန်းကြီးများလည်း များစွာရောက်ရှိနေကြပါတယ်။ ဘာသာရေး ဘုန်းတော်ကြီး အလုပ်ကိုလည်း ထည့်သွင်းရေးရပါတယ်။ ဗုဒ္ဓဘာသာ ဘုန်းတော်ကြီးကတော့ လစာမရပေမဲ့၊ လှုဒါန်းဝတ္တုများရပါတယ်။ ခရစ်ယာန် ဘုန်းတော်ကြီး အများစုကတော့ ဘုရားကျောင်းက လစာငွေ (Love Gift) ပေးကြပါတယ်။

အလုပ်အကိုင်ပေါများပြီး၊ နေစရိတ် ဈေးချိုသောပြည်နယ်များမှာ အမေရိကန် အလယ်ပိုင်း တက္ကဆက်၊ တယ်နယ်စီ၊ နီဗရားစကား၊ ဥက္ကလာဟိုးမား၊ ကန်ဆက် စသည့်ပြည်နယ်များဖြစ်တယ်။ အထူးသဖြင့် သားသတ်စက်ရုံ များစွာ ရှိသဖြင့် မြန်မာဒုက္ခသယ်များစွာ သွားရောက်၊ အလုပ်လုပ်ကိုင်ရပါတယ်။ ဆန်ဖရန်စစ္စကို၊ နယူးယောက်တွင် အိမ်တစ်လုံး တစ်လ ဒေါ်လာ ၂၀၀၀ ပေးငှားရသော်လည်း၊ အလယ်ပိုင်းပြည်နယ် များတွင် အိမ်တစ်လုံး တစ်လ ဒေါ်လာ ၅၀၀ပင် မပေးရပါ။ ၀င်ငွေကတော့ အမေရိကန်တစ်နိုင်ငံလုံး အခြေခံ လုပ်အားခမှာ တစ်နာရီ ၁၂ဒေါ်လာခန့်ပင်ဖြစ်တယ်။ အခြေခံ အလုပ်သမား အဖို့ တစ်လ၀င်ငွေ မထူးခြားပေမဲ့ လူများဟာ ပျော်ရွှင်စရာ ပေါများသော မြို့ကြီး များမှာပဲ နေထိုင်ကြချင်ပါတယ်။ နောက်ဆုံး မဖြစ်မနေမှ အလယ်ပိုင်းပြည်နယ် များကို ရွှေ့ပြောင်း သွားကြပါတယ်။


ဆရာဝန်များ၊ သွားဆရာဝန်များ
သူတို့ကတော့ အမေရိကားလက်မှတ်ရပြီးရင် ၀င်ငွေအလွန်ကောင်းပါတယ်။ အင်ဂျင်နီယာများလည်း ထိပ်တန်းတက္ကသိုလ်များက ဘွဲ့လက်မှတ်များရရင် အလွန်ဝင်ငွေကောင်းပါတယ်။ ကုမဏ္ဍီအလုပ်ကို ၅နှစ်လောက်လုပ်ပြီးရင် ကိုယ်ပိုင်ဆေးခန်း၊ ကိုယ်ပိုင် ကုမဏ္ဍီထောင်ပြီး၊ စီးပွားရေးလုပ်သွားစား၊ သူဌေးဖြစ်ဖို့ လွယ်ပါတယ်။ အေးအေးဆေးဆေး သက္ကသိုလ်ကျောင်းဆရာ၊ ကောလိပ်၊ အထက်တန်း၊ မူလတန်း၊ မူကြို ကျောင်းဆရာများလည်း သူဌေးမဖြစ်ပေမဲ့ လူတန်းစေ့၊ ဂုဏ်ရှိစွာ နေနိုင်ပါတယ်။ ပညာတတ်သူများ အမေရိကားမှာ အခွင့်အရေးပိုများပါတယ်။

အမေရိကားရောက်မိသားစုများဟာ သားသမီးများရဲ့၊ ပညာရေးကို အထူးအားပေးပါတယ်။ တက္ကသိုလ်၊ ကောလိပ်များက ဘွဲ့ရရှိအောင် အထူးကြိုးစားရပါတယ်။ ထူးချွန်သူများကတော့ ဆရာဝန်၊ ဥပဒေ ၊ အင်ဂျင်နီယာ ပညာရပ်များကို ဆည်းပူးနိုင်ကြပါတယ်။ အမေရိကန်ရောက် မြန်မာများရဲ့ ပညာရေးအကြောင်း သီးသန့်ရေးရပါမယ်။


တွေ့ဆုံရကြုံရအလုပ်ကိုင်အချို့
အမေရိကားမှာ လုပ်ကိုင်စားသောက်ဖို့ နည်းလမ်း၊ မရေမတွက်နိုင်ရှိပါတယ်။ အမေရိကားရောက်လာသူများ ဂရင်းကဒ်ရရှိရေးကို အရင်ကြိုးစားကြတယ်။ တစ်ချို ကျောင်းတက်ရင်း၊ အလုပ်လုပ်၊ ငွေစုတယ်။ ကျောင်းပြီးရင် အလုပ်ပါမစ်တွေကို အေးဂျင့်တွေနဲ့ ငွေအကုန်ခံပြီး Work Permit, H1 Visa စသည်တို့ကို ရအောင်ယူတယ်။ တစ်ချို့လည်း ကုမဏ္ဍီတောင်ပြီး Business Visa ယူတယ်။ တစ်ချိုလည်း Talent Visa ရအောင်လုပ်တယ်။ မြန်မာတော်တော်များများကတော့ Asylam ခိုလှုံခွင့်ဗီဇာယူကြတယ်။ တစ်ချို့လည်း အမေရိကန်၊ ဂရင်းကဒ်၊ စီတီဇင်တွေကို ဒေါ်လာ ၃သောင်းလောက်ပေးပြီး လက်ထပ်လိုက်တယ်။ တစ်ချို့လည်း သားသမီးများကို ကျောင်းထားပြီး Guardian Pass နဲ့နေကြတယ်။ တစ်ချိုကတော့ ၀လုံး Overstay လုပ်ပစ်လိုက်ကြတယ်။ ကိုယ်ခေတ်မှာ အမေရိကန်နိုင်ငံသား မရနိုင်တော့ဘူးဆိုရင် ကိုယ့်သားသမီး လက်ထက်မှာတော့ သေချာပေါက်ရမယ် ဆိုတဲ့သဘောပါ။

ဒါနဲ့ အမေရိကားမှာ လစာကောင်းတဲ့အလုပ်များကို ဒေသခံ၊ အမေရိကန်၊ အဖြူကောင်များက နေရာယူထားကြပါတယ်။ ဖက်ဒရယ်အစိုးရ (သို့မဟုတ်) ပြည်နယ်အစိုးရနဲ့ ဆိုင်တဲ့လုပ်ငန်းများဖြစ်ပါတယ်။ ကုမဏ္ဍီများမှာ အချမ်းသာဆုံးကုမဏ္ဍီများကတော့ အစိုးရကော်ပိုရေးရှင်းများဖြစ်ပါတယ်။ မြူနီစပယ်၊ သစ်ပင်ခုတ်၊ ရေမြောင်းရှင်း၊ မီးသတ်၊ ရဲဝန်ထမ်း စတဲ့ အလုပ်ကြမ်းတမ်း၊ အန္တရယ်များတဲ့ အလုပ်များမှာ လစာအလွန်ကောင်းတဲ့အပြင် Benefit အခွင့်အရေးတွေလည်း အရမ်းကောင်းပါတယ်။ ဒါကိုတော့ သူတို့ အမေရိကန်နိုင်ငံသားများပဲ လက်ဝါးအုပ်ထားပါတယ်။ လစာငွေ အနည်းဆုံး တစ်နှစ် ဒေါ်လာ ၆သောင်း နဲ့ ၀သိန်း လောက်ရကြပါတယ်။ အစိုးရနဲ့ဆိုင်တဲ့လုပ်ငန်းတွေမှာ စာရေး၊ စာချီ၊ အလုပ်များစွာရှိပါတယ်။ ဥပမာ ..USPS ဆိုတဲ့ စာတိုက်ကြီးအလုပ်လည်း Benefit ကောင်းပြီး၊ ပင်စင်ယူတဲ့အထိ အေးအေးဆေးဆေး လုပ်နိုင်ပါတယ်။ လစာ တစ်နှစ် ဒေါ်လာ၃သောင်းလောက်နဲ့ စာတိုက်စာရေး၊ စာပို့လုလင် အလုပ်များလုပ်သူများစွာ ရှိပါတယ်။ အခုစီးပွားရေးကပ်ဖြစ်ချိန် ဒီအလုပ်ကလည် Lay Off အလုပ်ဖြုတ်ခြင်းများ ရှိနေပါပြီ။

အယ်မရီးလို Amstillo, Texas ပြည်နယ်မှာလည်း သားသတ်စက်ရုံများမှာ တနာရီ၁၂ဒေါ်လာနဲ့ လုပ်ကိုင်နေသူများစွာရှိပါတယ်။ ကိုအောင်မင်းဆိုသူ တော့ ဒုက္ခသယ် အလုပ်ကိုင်ရှာဖွေ၊ နေရာချထားတဲ့ လူမှုဝန်ထမ်းလုပ်ကိုင်သူ တစ်ဦးဖြစ်ပါတယ်။ ယခင်က ဒီနေရာမှာ ဗီယက်နမ် ဒုက္ခသယ်များ အလုပ်လုပ်တဲ့နေရာဖြစ်ပြီး၊ အခုတော့ ဗီယက်နမ်များ အခြေကျ၊ ငွေကြေးစုဆောင်းနိုင်ပြီ ဖြစ်တဲ့အတွက် ပိုကောင်းတဲ့မြို့များဆီ ပြောင်းရွှေ့သွားကြောင်း။ အခု မြန်မာ ရွှေ့ပြောင်းလုပ်သားများကို အလုပ်ကိုင်၊ အနေထိုင်၊ လူမှုဆက်ဆံရေးများမှာ အံဝင်ခွင်ကျအောင် ကူညီလုပ်ကိုင်ပေးနေသူဖြစ်ပါတယ်။ လူမှုဝန်ထမ်းအလုပ်ကတော့ လစာသိပ်မကောင်းပေမဲ့ လူများကို ကူညီနိုင်ပါတယ်။ ငွေစုဆောင်းခြင်းဟာ အဓိကအချက်ဖြစ်လို့ WFG အသက်အာမခံ ငွေစုဆောင်း အေးဂျင့်လုပ်သူကိုလည်း ကူညီ အားပေးပါတယ်။ ၃နှစ်လောက် မိသားစု လုပ်ကိုင်၊ စုဆောင်းပြီးရင် ဒီအရပ်ဒေသမှာ ဒေါ်လာတစ်သိန်းတန် အိမ်ကြီး အရစ်ကျစနစ်နဲ့ ၀ယ်နိုင်ပြီး၊ အခြေကျနေသူ မြန်မာများစွာကို တွေ့ရပါတယ်။ ဈေးပိုချိုတဲ့ တိုက်ခန်း၊ အိမ်များလည်း ရှိပါတယ်။ ဆန်ဖရန်၊ လော့စ်အိန်ဂျယ်၊ နယူးယောက်လို မြို့ကြီးတွေမှာဆို လူနေမှုစရိတ်ကြီးတာကြောင့်၊ အိမ်ပိုင်ဖို့ မလွယ်ပါဘူး။ နောက် ၅နှစ်လောက်ဆိုရင် သူတို့လည်း ဗီယက်နမ်များလို ပိုကောင်းမွန်တဲ့ မြို့ကြီးများဆီ ပြောင်းရွှေ့၊ လုပ်ကိုင်ကြမှာပါ။ အလယ်ပိုင်းအမေရိကန်ပြည်နယ်များက မြန်မာများအဖို့ အမေရိကန့် စီးပွားရေးကပ်မှာ အခြေအနေမဆိုးလှပါဘူး။

တစ်နေ့မှာ အသက်၇၀ကျော် တိုနီဝေါင်း ဆိုသူ မြန်မာတစ်ဦးနဲ့၊ ရှော့ပင်စင်တာမှာ စကားစမြည် ပြောဖြစ်ပါတယ်။ သူက ၁၉၇၁က ဆန်ဖရန်စစ္စကို ရောက်ခဲ့ကြောင်း၊ အမေရိကန်၊ အင်္ဂလိပ်စကားပြောကို ဘယ်လိုလေ့ကျင့်ခဲ့ရကြောင်း၊ Superintendent, Court တို့ကို အမေရိကန် အသံထွက်နဲ့ သင်ပေးပါတယ်။ နိုင်ငံရေး ခိုလှုံခွင့် Asylum ကို မလျှောက်နဲ့၊ လျှောက်ပြီး နေထိုင်တဲ့ မြန်မာများ ပေါ့ပေါ့နေ၊ ထောက်ပံကြေး ထိုင်စားပြီး လူညွန့်တုံး သွားကြောင်း၊ အမေရိကားမှ အဆင့်မြင့်မြင့် နေထိုင် ဂရင်းကဒ်ရနိုင်တဲ့ နည်းလမ်းများစွာရှိကြောင်း၊ အမေရိကားရောက်တာနဲ့ မြန်မာပတ်စပို့နဲ့ ကာလီဖိုးနီးယား အိုင်စီကို DMV မော်တော်ယာဉ်ရုံမှာ လျှောက်ပြီး၊ ကားမောင်း လိုင်စင်လည်း လျှောက်ပါ။ ပီးတော့ လုပ်ငန်းတစ်ခုကို မှတ်ပုံတင်ပြီး ဆိုရှယ်စတြူရတီနံပါတ် SSN ရအောင်ယူလိုက်ပါ။ ဘယ်လို ယူရတယ်ဆိုတာကို SSN ရုံးမှာ ကိုယ်တိုင်လိုက်ပြီး လုပ်ပေးပါတယ်။ သူ လွန်ခဲ့တဲ့ အနှစ်၄၀က အမေရိကားကို ရောက်ခဲ့ပြီး၊ အဲဒီတုန်းက မြန်မာပတ်စပို့ဆိုရင် အမေရိကားကို အလွယ်တကူဝင်လို့ ရကြောင်း၊ အလုပ်တစ်ခုကို အရမ်းကြိုးစားလုပ်၊ အိမ်ခန်းတစ်ခန်းငှားခ တစ်လ ဒေါ်လာ ၂၀ပဲ ပေးရကြောင်း၊ အလုပ်က လစာ ဒေါ်လာ ၅၀၀ရရှိပြီး စုဆောင်းခဲ့ကြောင်း၊ တစ်နှစ်အကြာ ဇနီးသည်ကို ခေါ်လိုက်ကြောင်း၊ မင်းက ခရစ်ယာန်ဘာသာဝင်ဆိုတော့ .. ငါကတော့ ဘာသာတရားမယုံပါဘူး၊ ဒါပေမဲ့ ငါ့သားကတော့ ခရစ်ယာန်ဖြစ်နေတယ်ကွ .. လောလောဆယ်၊ အသက်ကြီးချိန်မှာ အိမ်ပွဲစားအလုပ် လုပ်နေတယ်။ မင်းလဲ ၀ါသနာပါရင် ငါနဲ့အတူ လိုက်လုပ်ကြည့်ပေါ့ကွာ .. ဟုပြောပါတယ်။ နောက်တစ်ခေါက်ပဲ ထပ်တွေ့ပြီး ဦးတိုနီဝေါင်းနှင့် ဆက်လက်မတွေ့ဖြစ်တော့ပါ။
အာဂဖိုးဖိုး
တစ်နေ့မှာ နယူးယောက်မြို့က မက်ဒေါနယ်ဆိုင်မှာ မနက်စာဝယ်စားနေတုံး တယ်လီဖုန်း လာလို့ မြန်မာစကားနဲ့ ၁၅မိနစ်လောက် အသံ ကျယ်ကျယ် ပြောလိုက် မိပါတယ်။ ပြောအပြီးမှာ ဘေးနားက အသက် ၇၅နှစ်အရွယ် အဖိုးအို တစ်ယောက်က မြန်မာပြည်ကလာတာလား လို့ မေးမြန်းခံရတယ်။ ဆန်ဖရန်စစ္စကို မှာလည်း မြန်မာများစွာ ရှိတယ်သိရတော့ သိပ်မထူးဆန်းပါဘူး။ ဟုတ်ပါတယ် အန်ကယ်ရယ်။ မနက်စာ မက်ဒေါနယ် ၀ယ်စားနေတာပါ။ မြန်မာပြည်ကမဟုတ်ပါဘူး။ စင်ကာပူက လာတာပါ။ အမေရိကားမှာ အလုပ်အကိုင်များ ပိုကောင်းမလားလို့ လာကြည့်တာပါ .. ပြောရတယ်။

အဖိုးကြီးက သူ့နာမည်၊ ကိုယ်နာမည် မ်ိတ်ဆက်ရင်း သူလည်း အမေရိကားရောက်တာ၊ ၂နှစ်လောက်ရှိပြီ၊ သူသမီးက ဂရင်းကဒ်တင်ထားတာ ကျလာလို့ သူနဲ့ဇနီးသည် ၂ယောက် နယူးယောက်ကို ရောက်လာတယ်။ သမီးအိမ်မှာ လပိုင်းလောက် နေပြီးတော့ ငါတို့လင်မယား အိမ်ခန်းတစ်ခန်း ငှားနေတယ်။ ထောက်ပံကြေးရပေမဲ့ အလုပ်ရှိမှ ဖြစ်မှာမို့လို့ ရုံးစောင့်အလုပ် ၀င်လုပ်ရတယ်။ အလုပ်ရှင်ပေးသလောက်ပဲ ရတာပေါ့။ ရတဲ့ငွေတဲ့ စားဝတ်နေရေးတော့ လောက်ငှပါတယ်။ အမေရိကားမှာ သမီး ၂ယောက်တော့ ရောက်နေပြီ။ မြန်မာပြည်မှာ သမီးတစ်ယောက်နဲ့ သား၂ယောက် သူတို့မိသားစုတွေ ကျန်သေးတယ်။ နောက်၁၀နှစ်နေရင် အမေရိကန် စီတီဇင်ရမှာဆိုတော့ အဲဒီအချိန်ကျရင် မြန်မာပြည်ကျန်နေတဲ့ သား၊ သမီး ၃ဦး မိသားစုကို အမေရိကားခေါ်ဖို့ ရည်မှန်းထားပါတယ်.. လို့ပြောပြပါတယ်။ ၇၅နှစ် မြန်မာအဖိုးအိုရဲ့သရက်ပင်စိုက်နေရင်း အလုပ်လုပ်နေ တာကို လေးစား၊ အံ့သြမိပါတယ်။


စင်ကာပူအလုပ်အကိုင်များ
လောလောဆယ်တော့ မြန်မာများသာမက၊ အာရှ၊ ဥရောပ နိုင်ငံသားများစွာ စင်ကာပူကို အလုပ်လာလုပ်ခြင်း၊ ရင်းနှီးမြုတ်နှံခြင်းတွေ အကြီးအကျယ် လာလုပ်နေကြပါတယ်။ စင်ကာပူမှာတော့ အလုပ်ရဖို့ အင်မတန်လွယ်ပါတယ်။ သို့သော် လစာ နည်းပါတယ်။ အလုပ်ပွဲစားမျးကို ပေးရတာနဲ့ လုပ်ရတာနဲ့ မကာမိပေမဲ့ အခြားနည်းမရှိပါ။ တရုပ်၊ကုလား၊ ဖိလစ်ပိုင်၊ ဘင်္ဂလားဒေ့ခ်ျများနဲ့ ယှဉ်ပြီး အလုပ်ရှာရတဲ့အခါ စင်ကာပူအလုပ်ရှင်များကလည်း ဈေးကိုင်လာပါတယ်။ ဒါကြောင့် မြန်မာဘွဲ့ရတစ်ယောက် စင်ကာပူမှာ လစာနဲ့အိုဗာတိုင် တစ်လ US$2000 လောက်ကို အလုပ်ဝင်စအချိန်မှာ ရနိုင်ပါတယ်။ အတွေ့အကြုံရင့်ကျက်သွားပြီး စင်ကာပူလက်မှတ်၊ စာမေးပွဲ၊ မာစတာဒီဂရီများ ရပြီးတဲ့နောက်မှာတော့ တစ်လကို လစာငွေ ဒေါ်လာ၅၀၀၀ အထက်ရလေ့ရှိပါတယ်။ Oil & Gas, Off Shore အလုပ်များမှာတော့ တစ်လကို US$8000 အထက်ရကြပါတယ်။ သို့သော် အများစု မြန်မာအလုပ်သမားများ Work Permit များကတော့ တစ်လကို ဒေါ်လာ တစ်ထောင်ပတ်ဝန်းကျင်လောက်ပဲ ရကြပါတယ်။ အမေရိကားမှာ အတွေ့အကြုံရှိပြီးသူများကတော့ စင်ကာပူလာအလုပ်လုပ်ရင် လစာကောင်းကောင်း ရကြမယ် မျှော်လင့်ပါတယ်။


နိဂုံး
အမေရိကားတွင် အလုပ်အကိုင်များအကြောင်း အတွေ့အကြုံများမှ
အနည်းငယ်သော ရေးသားခြင်းဖြစ်ပါတယ်။ လုပ်နိုင်သောသူ တီထွင်စွမ်းအားရှင်များကြောင့်အမေရိကားမှ ကမ္ဘာ့ထိပ်တန်းကုမဏ္ဍီများ ပေါ်ပေါက်လာကြပါတယ်။ (ဥပမာ. Microsoft, Intel, Google, Yahoo, GPS ..etc) ။ တကယ် လုပ်ကိုင်ရနေရသူများအဖို့ ဖတ်ရှုပြီး ပိုမိုတိုးတက်သောဘ၀သို့ လျှောက်လှမ်းနိုင်ပါစေ။

ဝတ်မှုန်
၁၇၊ သြဂုတ်၊ ၂၀၁၁

8 comments:

  1. အရမ်းဗဟုသုတရတဲ့ သုတဆောင်းပါးကောင်းတစ်ပုဒ်ပါပဲ ရေးတဲ့လူ အရမ်းကျေးဇူးတင်ပါတယ် တလက်စတည်း ကျွန်တော့် ဘလော့ကိုလည်း လာလည်ဖို့ဖိတ်ခေါ်ပါရစေ
    www.ngachunyey.blogspot.com

    ReplyDelete
  2. အရမ်းကိုဗဟုသုတရလို့ဆောင်းပါးရေးတဲ့သူကိုကျေးဇူးအများကြီးတင်ပါတယ်'တပြိုင်တည်းမှာပဲအမေရိကားမှာရှိတဲ့မြန်မာလူမျိုးများစွာထဲမှာမှဘာလို့ကျွန်မရဲ့မောင်လေးမှာမှဒီလိုကံဆိုးမိုးမှောင်ကျရတာလဲဆိုတာကိုမြန်မာနိုင်ငံကအထက်တန်းပညာကိုတောင်မအောင်မြင်ခဲ့တဲ့ကျွန်မရဲ့ဦးနှောက်ကလိုက်လို့မမီနိုင်တော့ပါဘူး..

    ReplyDelete
  3. ကျွန်တော် physics နဲ့ကျောင်းပြီးထားပါတယ်
    America မှာအလုပ်လုပ်ချင်ပါတယ် ဘာတွေလုပ်ပါသလဲ
    ဘာတွေ လုပ်ရမှာလဲ ပြောပြပေးစေချင်ပါတယ် eng 4 skill
    သင်တန်းလည်းပြီးထားပါတယ်ခင်ဗျာ

    ReplyDelete
  4. ကျွန်တော် physics နဲ့ကျောင်းပြီးထားပါတယ်
    America မှာအလုပ်လုပ်ချင်ပါတယ် ဘာတွေလုပ်ပါသလဲ
    ဘာတွေ လုပ်ရမှာလဲ ပြောပြပေးစေချင်ပါတယ် eng 4 skill
    သင်တန်းလည်းပြီးထားပါတယ်ခင်ဗျာ

    ReplyDelete
  5. This comment has been removed by the author.

    ReplyDelete
  6. ဒီပိုစ့်ရေးတဲပိုစ့်ပိုင်ရှင်ကို့ကျေးဇူးတင်မိပါတယ်။ဒီပိုစ့်လေးကိုဖတ်လိုက်ရတဲ့အတွက်ဗဟုသုတတွေလည်းအများကြီးရပါတယ်။ဒီပိုစ့်လေးကိုဖတ်လိုက်ပြီး US တောင်လာချင်မိပါတယ်။စိတ်ကူးလေးတစ်ခုရမိတယ်...အဲဒီနိုင်ငံတွေမှာအလုပ်လုပ်ရတာအလုပ်သမားအခွင့်အရေးအပြည့်အဝရရှိမယ်လို့တွေးမိပါတယ်...တကယ့်ကိုလူ့အခွင့်အရေးအပြည့်ဝရရှိတဲ့နိုင်ငံတွေပဲနော်...လူနေမှုအဆင့်အတန်းလည်းပိုပြီးမြင့်မှာပဲနော်...လက်ရှိကမလေးမှာပါ။ မလေးရှားလစာကတော့အားလုံးသိတဲ့အတိုင်းပါပဲ...

    ReplyDelete
  7. ဖတ်ခဲ့ပါတယ်ရှင့် ကျေးဇူးတင်ပါတယ်

    ReplyDelete
  8. အကိုကျမတို့အမေရိကားမှာအလုပ်အရမ်းလာလုပ်ချင်ပါတယ်
    လက်ရှိကထိုင်းမှာနေပါတယ်နေတာလဲကြာပြီ
    ဒါ ပေမဲ့အဲဒိကိုအလုပ်အရမ်းလာလုပ်ချင်တဲ့စိတ်တွေဖြစ်နေလို့
    လိုက်စုံစမ်းနေတာအပမ်းမကြီးဘူးဆိုရင်လမ်းညွှန်ပြပါလားရှင်
    အဲလိုဆိုကျေဇူးအများကြီတင်မိပါတယ်

    ReplyDelete